ບຸນໄຫລເຮືອໄຟທີ່ຫລວງພະບາງນັບວ່າເປັນປາງບຸນໃຫຍ່ເຊິ່ງໄດ້ປະຕິບັດກັນມາເປັນເວລາຫລາຍເຊັ່ນຄົນ, ເມື່ອເດືອນສິບເອັດລາວໄດ້ກ້າວມາເຖິງ, ທຸກບ້ານເຮືອນ, ວັດວາອາຮາມ ແລະ ສະຖານທີ່ຕ່າງໆໃນເມືອງຫລວງພະບາງຈະຖືກປະດັບປະດາໄປດ້ວຍໂຄມໄຟນ້ອຍໃຫຍ່ ເຊິ່ງມັນຄືສັນຍາລັກບອກວ່າບຸນໄຫລເຮືອໄຟ ອອກພັນສາ ໄດ້ມາເຖິງແລ້ວ, ປົກກະຕິໂຄມໄຟທີ່ໃຊ້ໄຕ້ບູຊານັ້ນຈະບໍ່ມີຂາຍ, ສະນັ້ນທຸກຄອບຄົວກໍ່ຕ້ອງມີຄົນທີ່ມີຄວາມສາມາດໃນການເຮັດໂຄມໄຟ, ເຊິ່ງພອນສະຫວັນນີ້ມັນໄດ້ຮັບການສືບທອດຜ່ານວັດທະນະທຳມາເປັນເວລາດົນນານ.ມື້ນີ້ ຂ້າພະເຈົ້າຈະມາແນະນຳໂຄມໄຟຮູບແບບຕ່າງໆ, ເຊິ່ງຊາວຫລວງພະບາງມັກໃຊ້ໄຕ້ບູຊາໃນບຸນໄຫລເຮືອໄຟ.# ໂຄມດາວໂຄມດາວເປັນໂຄມທີ່ມີຮູບຮ່າງຄືກັບດວງດາວ, ວິທີການເຮັດກໍ່ບໍ່ຍາກ ພຽງແຕ່ເຫລົາໄມ້ໃຫ້ເທົ່າກັນສິບເສັ້ນ, ແລ້ວມາຫ້າເສັ້ນມາໄຂ່ວກັນເປັນຮູບດາວ ແລ້ວກໍ່ຈະໄດ້ໂຄງໄມ້ທີ່ເປັນຮູບດາວສອງອັນ ແລ້ວນໍາມາມັດຕິດກັນ ຫລັງຈາກນັ້ນຈາກໄມ້ຄໍ້າທາງໃນຂອງໂຄມໃຫ້ເບັງອອກພໍເຫມາະ.# ໂຄມບັ້ງ ແລະ ໂຄມກາບໂຄມບັ້ງ ແລະ ໂຄມກາບ ນິຍົມເຮັດເປັນຈຳນວນຫລາຍ ອາດຈະເປັນຮ້ອຍ ເຊິ່ງຈະໃຊ້ປະດັບໃນສະບ້ານເຮືອນ ໂດຍສະເພາະສະຖານທີ່ກ້ວາງໆ ເຊັ່ນວັດວາອາຮາມ...ວິທີການເຮັດແມ່ນງ່າຍ.# ໂຄມປິ່ນປະຈຸບັນໂຄມປິ່ນແມ່ນຈະບໍ່ຄ່ອຍເຫັນແລ້ວຍ້ອນອາດຈະບໍ່ຄ່ອຍມີຄົນສືບທອດ, ວິທີການເຮັດກໍ່ອາດຈະຫຍຸ້ງຍາກ, ໂດຍເລີ້ມຈາການເຮັດໃບພັດຂອງໂຄມ ວິທີການເຮັດແມ່ນເຮັດໃຫ້ຄ້າຍຄືໃບພັດຂອງເຮືອບິນອາຍພົ່ນ, ດັ່ງຮູບ ໃນເມື່ອກ່ອນໃຊ້ ໄມ້ໄຜ່ເຮັດ ແຕ່ອາດຈະໃຊ້ພວກໂລຫະແທນກໍ່ໄດ້ ແຕ່ທີ່ສຳຄັນຕ້ອງທົນຄວາມຮ້ອນແລະເບົາ, ເມື່ອໄດ້ໃບພັດແລ້ວກໍ່ເຮັດໂຄມຄ້າຍໃນຮູບ, ແລ້ວກໍ່ຕິດຮູບໃສ່ ອາດຈະເປັນຮູບຂອງເທບພະເຈົ້າຕ່າງໆ ເມື່ອເວລາໂຄມປິ່ນກໍ່ຈະມີເງົາອອກມາຢ່າງສວຍງາມ, ຈຸດພິເສດຂອງໂຄມປິ່ນເມື່ອເວລາເຮົາໄຕ້ທຽນໃສ່ໃນໂຄມຈະເຮັດໃຫ້ອາກາດບໍລິເວນທາງໃນຮ້ອນ ແລະ ເຮັດໃຫ້ເກີດມີການເຄື່ອນທີ່ຂອງອາກາດ ຈຶ່ງສົ່ງຜົນໃຫ້ໃບພັດປິ່ນ.ປະຈຸບັນຜູ້ທີ່ສືບທອດໃນການເຮັດໂຄມປິ່ນອາດຈະຢູ່ໃນກຸ່ມພະສົງບາງວັດ ແລະ ຜູ້ຮຽນຮູ້ຈໍານວນຫນຶ່ງ.ຖ້າທ່ານໃດສົນໃຈໃນລາຍລະອຽດຂອງວິທີເຮັດໂຄມແບບຕ່າງໆ ກໍ່ລອງສອບຖາມກັນເຂົ້າມາໄດ້.ນອກຈາກນີ້ໃນປະຈຸບັນຍັງມີຄົນປະດິດໂຄມຮູບແບບໃຫມ່ໆ ອອກມາອີກຕາມຄວາມສາມາດຂອງໃຜລາວເພື່ອສ້າງສີສັນອັນໂດດເດັ່ນໃຫ້ແກ່ບ້ານເຮືອນຂອງໂຕເອງ.
Luang Prabang 2 Day.com
.com
